ATP վարկնշային աղյուսակում Նադալը պահպանել է իր դիրքերը

Երեկ «Ռոլան Գարոսի» տղամարդկանց մրցաշարի եզրափակիչից հետո հրապարակվել է ATP վարկանշային աղյուսակը, որը շարունակում է գլխավորել սերբ թենիսիստ Նովակ Ջոկովիչը,իսկ Նադալը նորից երկրորդն է։ Առաջին տասնյակում տեղի է ունեցել միայն մեկ փոփոխություն․ ամերիկացիներ Մարդի Ֆիշն ու Ջոն Իզները կրկին փոխվել են տեղերով, ինչը պարբերաբար արձանագրվում է վերջին շաբաթների ընթացքում։ Փոփոխությունների բացակայությունը նաև պայմանավորված է նրանով, որ Ֆրանսիայի բաց առաջնությունում լավագույն թենիսիստների մեծ մասը ցուցադրել է գրեթե նույն արդյունքները, ինչ նախորդ տարի։

Արգենտինան ներկայացնող Դավիթ Նալբանդյանը վարկանշային այս աղյուսակում զբաղեցնում է 39-րդ հորիզոնականը։

N	Թենիսիստ (երկիր)	միավոր
1 (1)	Նովակ Ջոկովիչ (Սերբիա)	12280
2 (2)	Ռաֆայել Նադալ (Իսպանիա)	10060
3 (3)	Ռոջեր ֆեդերեր (Շվեյցարիա)	9310
4 (4)	Էնդի Մարեյ (Մեծ Բրիտանիա)	6980
5 (5)	Ժո-Ուիլֆրեդ Ցոնգա (Ֆրանսիա)	5230
6 (6)	Դավիթ Ֆերրեր (Իսպանիա)	5180
7 (7)	Թոմաշ Բերդիխ (Չեխիա)	4685
8 (8)	Յանկո Տիպսարևիչ (Սերբիա)	3200
9 (9)	Խուան Մարտին Դել Պոտրո (Արգենտինա)	3180
10 (11)	Ջոն Իզներ (ԱՄՆ)	2655